एहन सुन्दर मिथिला धाम,
दोसर पाएब कोने ठाम ।-2
दुल्हा-दुल्हिन सीताराम, जनकपुर मे,
हे दुल्हा-दुल्हिन सीताराम, जनकपुर मे ।

हे बहिन सिया सुकुमारि धिया जनक दुलारि,
बहिन सिया सुकुमारि धिया जनक दुलारि,
रामजी कएलनि ससुरारी जनकपुर मे - 2
एहन सुन्दर मिथिला धाम,
दोसर पाएब कोने ठाम ।-2
दुल्हा-दुल्हिन सीताराम जनकपुर मे - 2

हे हम नइ करबइ ककरो आश,
जखन मिथिला हम्मर बास। -2
हम्मर बहिन अपन खास, जनकपुर मे - 2

हे धन-धन भेली जनक दुलारी,
नाचे मिथिला के नर-नारी । -2
दुल्हा बनिकऽ अएला राम, जनकपुर मे,
हे दुल्हा बनिकऽ अएला राम जनकपुर मे ।
एहन सुन्दर मिथिला धाम,
दोसर पाएब कोने ठाम ।-2
दुल्हा-दुल्हिन सीताराम जनकपुर मे - 3