मुदा छन मे, हे मुदा छन मे छनक भेलइ दाइ गे,
गेलइ पेटी के कुञ्जी हेराइ गे - 2
मुदा छन मे छनक भेलइ दाइ गे,
गेलइ पेटी के कुञ्जी हेराइ गे - 2

पेटी मे पौती छइ पौती मे गहना,
आन दिन रहितइ तऽ रहि लितहुँ ओहिना,
आइ हुनकर छइ, आइ हुनकर छइ असली अबाइ गे,
गेलइ पेटी के कुञ्जी हेराइ गे - 2

ताला तोड़ि दितीयइ पेटी खोलि लितीयइ,
झट नूआ बिऔहती पहिर लितीयइ ।-2
हे अजगर सिलौट छथि ठामे,
मुदा लोढ़ी जे गेलइ बिलाइ गे - 2
मुदा छन मे छनक भेलइ दाइ गे,
गेलइ पेटी के कुञ्जी हेराइ गे - 2

सभ किछ अछइतो भेलहुँ हम बेचारी,
साउस जी के कहलहुँ हम जाकऽ लचारी,
तऽ आनि देलनि ओहो ननदि बला साड़ी,
तइला ननदि जे, हे तइला ननदि जे ठनलनि लड़ाइ गे,
गेलइ पेटी के कुञ्जी हेराइ गे - 2

ई खटपट भऽ गेल मन भऽ गेल छोट,
लागल करेजा मे बातक चोट,-2
पिया अबिते हम, पिया अबिते हम गेलीयइ लजाइ गे,
गेलइ पेटी के कुञ्जी हेराइ गे - 2
मुदा छन मे छनक भेलइ दाइ गे,
गेलइ पेटी के कुञ्जी हेराइ गे - 3