दरदी सजना, दरदी सजना हमरा लए अहाँ
यौ हमरा लए अहाँ निदरदी कोना ।
दरदी सजना हमरा लए अहाँ यौ हमरा लए अहाँ
निदरदी कोना दरदी सजना ।

मजरल आम मजरि गेलइ महुआ - 2
ककरा संग खेलब चोरी-नुकौआ - 2
केहेन गोदना, केहेन गोदना
बाँहियो पर गोदल केहेन गोदना,
दरदी सजना बाँहियो पर गोदल
यौ बाँहियो पर गोदल केहेन गोदना ।
दरदी सजना हमरा लए अहाँ यौ हमरा लए अहाँ
निदरदी कोना दरदी सजना ।

पटनाबला ओझा दरभंगाबला मिसर - 2
पूर्णिया के पाठक तकरो नइ औसर - 2
केहेन बिधना केहेन बिधना हमरा लए रचलनि,
यौ हमरा लए रचलनि केहेन बिधना ।
दरदी सजना हमरा लए अहाँ यौ हमरा लए अहाँ
निदरदी कोना दरदी सजना ।

होली मे कान्हा कएलनि बलजोड़ी - 2
कथी लए तोड़ए छी प्रेमक डोरी - 2
केहेन कंगना केहेन कंगना खन-खन बजइय,
अनेरो कंगना केहेन कंगना ।
खन-खन बजइय यौ खन-खन बजइय,
अनेरो कंगना ।
दरदी सजना हमरा लए अहाँ यौ हमरा लए अहाँ
निदरदी कोना दरदी सजना ।
दरदी सजना - 2