समधि के हम गारि नइ दैय छी - 2
समधि के हम विनती करै छी,
समधि के हम मिनती करै छी ।
समधि के माय गोअरबा के दैय छी,
समधि के बहिनी गुअरबा के दैय छी,
गुअरबा सँ हम दूध मँगबै छी,
हे समधि सैह अहाँ के खुअबै छी - 2

समधि के हम गारि नइ दैय छी,
समधि के हम मिनती करै छी ।
समधि के समधिन के बनिआ के दैय छी,
समधि के बहिनी हम बनिआ के दैय छी,
बनिआ सँ हम चीनी मँगबबै छी - 2
सैह समधि के खुअबै छी,
यौ समधि सैह अहाँ के खुअबै छी,

समधि के हम गारि नइ दैय छी,
समधि के हम मिनती करै छी ।
समधि के मौसी के मरबड़ीया के दैय छी,
समधि के पीसी के मरबड़ीया के दैय छी,
मरबड़ीया सँ हम धोती मँगबबै छी,
मरबड़ीया सँ हम चदरि मँगबबै छी,
हे समधि सैह धोती अहाँ के दैय छी,
हे समधि सैह चदरि अहाँ के दैय छी,

समधि के हम गारि नइ दैय छी,
समधि के हम मिनती करै छी ।