यौ दुल्हा चिन्ही लियौ,
यौ दुल्हा चिन्ही लियौ
अँहु अपन दुलारी के,
के छथि प्राण पियारी से न। - 2

सुनय छी अहाँ छी बड़का ज्ञानी,
अहाँक बाप के तीन जनानी,-2
यौ दुल्हा बाजब कोनो
बात के सोच-विचारि के,
के छथि प्राण पियारी से नऽ। - 2

यौ दुल्हा रहय छी कोन ठाम,
चिन्हू कनिआँ बैसल बाम, - 2
अहाँ पकड़ि न लेबनि,
यौ अहाँ पकड़ि न लेबनि,
दहिना बैसल सारि के,
के छथि प्राण पियारी से नऽ ।
यौ दुल्हा पकड़ि न लेबनि,
दहिना बैसल सारि के,
के छथि प्राण पियारी से नऽ ।
आमक पल्लव लिअ हाथ,
हम सब देब अहाँक साथ,- 2

यौ अहाँ नहि चिन्हब तऽ,-2
पुछू केहन के नारी के,
के छथि प्राण पियारी से नऽ ।
दुल्हा चिन्ही लियौ,
अँहु अपन दुलारी के,
के छथि प्राण पियारी से नऽ। -2