हम नै बिआहब बूढ़ भङिया भिखारी,
धिया केना रहती-2
भूत-प्रेतबा के संग में,
धिया केना रहती – 2
हम नै बिआहब बूढ़ भङिया भिखारी,
धिया केना रहती – 2
भूत-प्रेतबा के संग में,
धिया केना रहती - 2

सुनइ छियै भोला के घरो नै घराड़ी - 2
आ भरना पड़ल छइ भाङक बाड़ी,
भरना पड़ल छइ भाङ के बाड़ी ।
बसहा बड़द सेहो मारय लथार,
धिया केना बन्हती – 2
भूत-प्रेतबा के संग में,
धिया केना रहती - 2

बाघ छाल आसन बसन मृग छाला - 3
कि बिषधर के डरे कियो भीखो नइ दैय छइ,
धिया भूखे मरती - 2
भूत-प्रेतबा के संग में,
धिया केना रहती - 2

फूल सन गौरी हम्मर भोला बकलेलहा - 3
कि एहन बौराहा संगे जीवन कोना कटती,
धिया केना रहती, धिया कोना रहती ।
भूत-प्रेतबा के संग में,
धिया केना रहती - 2
हम नै बिआहब बूढ़ भङिया भिखारी,
धिया केना रहती - 2
भूत-प्रेतबा के संग में,
धिया केना रहती - 4