मधुबनी /दरभंगा
प्रथम बंदगी करै छी नारायण हौ निर्गुण दीनानाथ के हौऽऽ
दोसर बंदगी करै छी गुरु आऽऽ बऽ हेऽ ओएह गुरु देलकै नारायण हौऽऽ
अकिल गियनमा हौ
हुनको आइ चरण मे वंदगी आऽ बऽ हे।
तेसर बंदगी करैछी नारायण हौऽऽ
नग्र डिहबार के हौऽऽ
साखी रहिहऽ नगर हौ डिहबार
अबला जे बनिकेऽ राजा जी
एलियै शरण मे हौऽऽ
साखी रहिहऽ शरणमा के आऽऽ बऽहेऽऽ।
चारिम वंदगी करै छी नारायण हौ
गोरिल नंद लाल के होऽऽ
साखी रहिहऽ गोरिल नंद लाल हेऽ।
पाँचम बंदगी करै छी नारायण हौ सकल समाज के होऽह
बंदगी करै छी-नारायण हौ सकल समाज हेऽ।

चम्पारण / मुजफ्फरपुर
त साधु संत के वंदगी हम बजाबइलेऽऽ हो बाभन के परिणाम ने यौदाताऽऽ
सकले पंच के यौ मोजर यौ सलामऽऽ
हम माता सरोसती हे हम जी केऽऽ हेऽऽ
हे चरण मनाबइले नै यौ दाताऽऽ
हे मैया अब गिरमल के आऽऽ बउऽ।
हे घर हमर लागैय दाता यौऽ हो
उदयपुर मे आऽऽ बऽ न यौ दाता
मैया लागैय गुरु मे यौ दीनानाथ ऽऽ
चारू तऽ भुवनमा घुमथिन हे यौदाता
नहि मिलै छडी के छड़ीदार ऽऽ हौऽऽ
घुम फिर अइलीयै यौ दाता दुनियाँ संसार ने यौदाता
नहि मिलै हमरो छडी ऽदार ऽऽ ।