नितली अमुनियाँ हय सितली जमुनियाँ
सितल हे कदम जोड़ि छाहरि
ताहि तर आब दुलरूआ पलंग ओछाओल
सुतल बाबू कारिख नंदलाल
जगबे जे चललै गै अम्मा
इहो अम्मा अपरा ।
उठू हौ बाबू भेल ने परात
दुअरि ठाढ़ दुलरूआ अबला भगतिआ
लियौ बाबू सेवक रछीपाल
नइ गे हम उठबौ गे अम्मा
नइ उठि बैठबौ
नइ लेबौ सेवक रछीपाल
सेवक करैये हमरा बड़ा अहिमान
अछत के धनमा गे अम्मा
सेहो कूटि खा गेल
पीबिलेलक अरकबा के दूध ।
काछहु के धोतीया गे अम्मा
सेहो पीन्हि फाड़लक
सेवक केलक हमरा बड़ अहिमान
भूखल जे खेलकौ दुलरूआ
अछत केर धनमा
पीयासले पीलकौ अरकक दूध
नंगटे जे पीन्हलकौ दुलरूआ
काछहु के धोतीया
लियौ बौआ सेवकक रछीपाल
कुटि हम देबौ दुलरूआ
अछतक धनमा
आ दुहि देबौ अरकबा के दूध
किन हम देबौ दुलरुआ
काछहु के धोतिया लियौ बाबू सेवकक रछीपाल ।।