विघ्नहरण गौरी के नन्दन - 2
आउ हे गणपति अँगना मोर ।
पहिल अहीं के पूजन वन्दन,
आउ हे गणपति अँगना मोर।

देव-मनुख-मुनि महिमा गाबए,
मंगल मूर्ति मोदक भाबए। -2
रूप अहाँ के सदिखन सुमिरन - 2
आउ हे गणपति अँगना मोर ।
पहिल अहीं के पूजन वन्दन,
आउ हे गणपति अँगना मोर।
विघ्नहरण गौरी के नन्दन...।

राखल मोदक आरती थारी,
बिसरि अहाँ के रूप निहारी।-2
पिअर धोती पिअर अभरन - 2
आउ हे गणपति अँगना मोर ।
पहिल अहीं के पूजन वन्दन,
आउ हे गणपति अँगना मोर।
विघ्नहरण गौरी के नन्दन...।

बाल रूप देखि कौतुक भेल,
मुदित छवि उपमा की देल ।-2
सब फलदायक गिरिजा नन्दन - 2
आउ हे गणपति अँगना मोर ।
पहिल अहीं के पूजन वन्दन,
आउ हे गणपति अँगना मोर।
विघ्नहरण गौरी के नन्दन,
आउ हे गणपति अँगना मोर ।
पहिल अहीं के पूजन वन्दन,
आउ हे गणपति अँगना मोर - 3