लिख रहल छी चिट्ठी भइया,
भरदुतिआ मे आयब यौ - 2
लिख रहल छी चिट्ठी भइया,
भरदुतिआ मे आयब यौ - 2
पूरी दही आओर पिड़िकिआ,
संग सनेस मे लायब यौ ।
भरदुतिआ मे आयब यौ ...

नीन्द उचटि गेल आइ खुशी मे,
कोइली बजलइ जखने सँ ।
नीन्द उचटि गेल आइ खुशी मे,
कोइली बजलइ जखने सँ ।
भोरे अँगना निप पिठारऽ,
देलियइ अरिपन तखने सँ ।
रहि-रहि ताकी बाट अहाँ के - 2
देखि दौड़ि कऽ जायब यौ ।
भरदुतिआ मे आयब यौ ...
लिख रहल छी चिट्ठी भइया,
भरदुतिआ मे आयब यौ - 2

मानि रहल छी देव मनौती,
भइया हमर अओता जौ ।
मानि रहल छी देव मनौती,
भइया हमर अओता जौ ।
चढ़ा देब हम लड्डू पेड़ा,
झुमका हमर लओता जौ ।
आयब नइ जँ सत्य कहइ छी - 2
आयब तऽ नइ बाजब यौ ।
भरदुतिआ मे आयब यौ ...
लिख रहल छी चिट्ठी भइया,
भरदुतिआ मे आयब यौ - 2

पड़ि गेल साँझ आब नहि अयला,
केहन हमर छल भरदुतिआ ।
पड़ि गेल साँझ आब नहि अयला,
केहन हमर छल भरदुतिआ ।
धइले रहि गेल सबटा ओहिना,
पूरी तिलकोरक तरुआ ।
आयब नइ जँ सत्य कहइ छी - 2
आइ नइ किछु हम खायब यौ ।
भरदुतिआ मे आयब यौ ...
लिख रहल छी चिट्ठी भइया,
भरदुतिआ मे आयब यौ - 2
पूरी दही आओर पिड़िकिआ,
संग सनेस मे लायब यौ ।
भरदुतिआ मे आयब यौ - 3