आयल चैत मधुर रंग पाँचम - 2
उपवन बुल बुल गावय ना
सन सन पुरवा मलय बसात - २
झन झन देह झनकावय ना -2

कुहकै कोइली कुक बबुर वन - २
चहकै छै अलि पाटलि मधुबन
फड़कै मोर मोरनि लोचन -2
फनकै कतेक मृगी पद फन-फन
भन-भन मन भनकावय ना -2
सन सन पुरवा मलय बसात - २
झन झन देह झनकावय ना -2
आयल चैत मधुर रंग पाँचम
उपवन बुल बुल गावय ना

प्रियतम हमर व्यथित ई आखर -2
नोरक सियाँही बहै झरझर
कोमल शय्या भेलै खरखर -2
सुखि देह हमर भेल बक सन पातर
कण-कण पर सिहरावय ना -2
सन सन पुरवा मलय बसात - २
झन झन देह झनकावय ना -2
आयल चैत मधुर रंग पाँचम
उपवन बुल बुल गावय ना

उपटल फागुन के रस बुन – 2
हहरल नुपुर स्वर झुन-झुन
विकल नैन भेल अधरो सुन्न -2
अछि कोन कांता मे अवगन ?
घन-घन घट सनकावय ना
सन सन पुरवा मलय बसात - २
झन झन देह झनकावय ना -2
आयल चैत मधुर रंग पाँचम
उपवन बुल बुल गावय ना