हम झेलम नहाएब हम शतलज नहाएब - 2
गंगा मैया नहाएब तीरबेणीयो नहाएब ।
मुदा मिथिले, हे मुदा मिथिले के जल सँ भरब गगरी,
हम छी सीता हमर ई जनक नगरी - 2

किरण उगलो नै रहतइ तऽ कातिक नहाएब,
मास माघो नहाएब, बइसाखो नहाएब ।
आकाशे हम अपन नूआ सुखाएब - 2
हे हम ओकर लाज, हे हम ओकर लाज आओ हमर चुनरी,
मुदा मिथिले के जल सँ भरब गगरी,
हम मिथिले के जल सँ भरब गगरी ।
हम छी सीता, हे हम छी सीता हमर ई जनक नगरी,
हम मिथिले के जल सँ भरब गगरी – 2

अपन ज्ञानो बढ़ाएब विज्ञानो बढ़ाएब,
अपन मिथिला के नब-नब रङ्ग मे रङ्गाएब ।
अपन ज्ञानो बढ़ाएब विज्ञानो बढ़ाएब,
अपन मिथिला के नब-नब रङ्ग मे रङ्गाएब ।
ओ गगन के, हे ओ गगन के घटा हम ओकर बिजुरी,
हम मिथिले के जल सँ भरब गगरी - 2

हम महिला समाज जुग नबका बनाएब - 2
फूल तोड़ब मुदा काँट सँ नइ डेराएब - 2
एकर धूरे, हे एकर धूरे पराग हम भरब अँजुरी,
मुदा मिथिले के जल सँ भरब गगरी - 2
हम छी सीता, हे हम छी सीता हमर ई जनक नगरी,
हम मिथिले के जल सँ भरब गगरी - 3